Education

• TAARIFA YA MAENDELEO YA KITAALUMA MKOA WA SINGIDA

  KWA MWAKA 2022.

  • Utangulizi

• Mkoa wa Singida una jumla ya Shule za Msingi 687; kati ya hizo, Shule za Serikali ni 610 na za Binafsi 77. Aidha, kuna Shule za Sekondari 170 zikujumuisha Shule 145 za Serikali na Shule 25 za Binafsi. Vilevile Mkoa una Taasisi 10 za Elimu ya juu kati yake 1 zipo chini ya Kamisheni ya Vyuo Vikuu (TCU); 8 zipo chini ya Mamlaka ya Elimu na Ufundi (NACTE); na 1 ipo chini ya Mamlaka ya Ufundi Stadi (VETA).

  
  

  IDADI YA SHULE ZA MKOA WA SINGIDA
  1. SHULE ZA SERIKALI.
  NA	HALMASHAURI	SHULE MSINGI	SHULE  SEKONDARI
  1	IRAMBA	105	23
  2	MKALAMA	93	19
  3	SINGIDA DC	98	26
  4	SINGIDA MC	53	18
  5	IKUNGI	129	32
  6	ITIGI	64	11
  7	MANYONI	68	16
  JUMLA		610	145
  2. SHULE ZA AWALI NA MSINGI ZA BINAFSI
  NA	HALMASHAURI	SHULE MSINGI	SHULE  SEKONDARI
  1	IRAMBA	3	2
  2	MKALAMA	2	1
  3	SINGIDA DC	3	4
  4	SINGIDA MC	18	8
  5	IKUNGI	4	6
  6	ITIGI	3	1
  7	MANYONI	5	3
  JUMLA		77	25
  JUMLA YA SHULE ZOTE		187	170
  3. TAASISI ZA ELIMU YA JUUU
  KAMISHENI YA VYUO VIKUU (TCU)			1
  MAMLAKA YA ELIMU YA UFUNDI (NACTE)			8
  MAMLAKA YA UFUNDI STADI (VETA )			1
  JUMLA YA TAASISI ZA ELIMU YA JUU			10

  
  

  Maendeleo ya Elimu katika Mkoa wa Singida yamekuwa yakiimarika mwaka hadi mwaka ikiwa  ni pamoja na kuboreshwa kwa miundombinu shuleni,  kuanzishwa kwa Shule za Binafsi na za Serikali na pamoja na kuongezeka kwa asilimia za ufaulu katika Mitihani ya Taifa.

  • Hali ya Udahili wa Wanafunzi:

• Idadi ya Wanafunzi kwa Shule za Msingi 2022

  Mkoa una Jumla ya wanafunzi 434,925 kati ya hao wavulana ni 217,132 na wasichana ni 217,793 ambao wameandikishwa katika Shule zote ndani ya Mkoa. Aidha katika Elimu nje ya mfumo rasimi kuna jumla ya wanafunzi 913 kati ya hao wakiume ni 479 na wakike ni 434. Upande wa Elimu ya watu wazima Mkoa unajumla Wanaume 6,905 na Wanawake 9,221 na kufanya jumla ya wanafunzi 16,126.

  Hali ya utoaji wa Taaluma:

  Mkoa wa Singida kitaaluma umeendelea kuimarika siku hadi siku jambo linaloonesha maendeleo ya kielimu ndani ya Mkoa. Hii inajidhihirisha kwa kuangalia matokeo ya mwaka 2021.

  Matokeo ya Mtihani wa kumaliza Elimu ya Msingi (PSLE) mwaka 2021

  Mtihani wa kuhitimu elimu ya msingi (PSLE) mwaka 2021 ulifanyika kwa siku mbili kuanzia tarehe 08 - 09/09/2021.  Masomo yaliyotahiniwa yalikuwa sita (6) ambayo ni Kiswahili, English Language, Maarifa ya Jamii, Hisabati, Sayansi na Uraia na Maadili. Mkoa wa Singida ulikuwa na jumla ya shule 547 zilizofanya Mtihani huu ambapo Shule za Serikali zilikuwa 530 na binafsi 17.

  Idadi ya wanafunzi waliofaulu kwenye Mtihani wa kuhitimu elimu ya msingi mwaka 2021

  Jumla wa wanafunzi 28,072 wakiwemo wavulana 15,053 na wasichana 15,019 wamefaulu Mtihani wa kuhitimu elimu ya msingi mwaka 2021 kati ya wanafunzi 35,773 waliofanya Mtihani. Mwaka 2020 idadi ya wanafunzi waliofaulu ilikuwa 23,785 hivyo kuwa na ongezeko la wanafunzi waliofaulu 1,288 kwa kulinganisha mwaka 2021 na 2020.

  Asilimia ya Ufaulu ngazi ya Mkoa

  Matokeo yanaonesha asilimia ya ufaulu wa Mkoa umepanda kutoka asilimia 71.79 ya mwaka 2020 hadi asilimia 78.9 ambapo ufaulu huu umepanda kwa asilimia 7.11

  Matokeo ya Kidato cha IV 2021

  Jumla wa wanafunzi 12,314 wakiwemo wavulana 5,432 na wasichana 6,880 wamefaulu Mtihani Kidato cha Nne 2021 kati ya wanafunzi 12,314 waliofanya Mtihani. Mwaka 2021 idadi ya wanafunzi waliofaulu ilikuwa 10,748 sawa na asilimia 87.28. Ufaulu huu umeshuka ukilinganisha na ufaulu wa mwaka 2020 ambapo asilimia ya ufaulu ilikuwa 89.20.

  Matokeo ya Kidato cha Sita 

  Mkoa wa Singida unajumla ya shule 15 zilizofanya Mtihani wa Kidato cha Sita mwaka 2021 jumla ya watahiniwa 1,649 walifanya Mtihani ambapo watahiniwa 1,648 walifaulu sawa na asilimia 99.9. na mwaka 2022  Jumla ya watahiniwa 1,612 walifanya Mtihani na 1,612 walifaulu sawa na asilimia 100. 

  SEKSHENI YA ELIMU

  Seksheni hii ina lengo la kusaidia au kuwezesha utoaji huduma za uendelezaji wa Elimu ikijumuisha usimamizi wa Elimu ya Awali, Msingi, Sekondari, Elimu ya watu wazima na inayotolewa katika mfumo usio rasmi  na Mitihani ya Shule za Msingi, Sekondari na Vyuo vya Ualimu.

  Seksheni hii inaongozwa na Katibu Tawala Msaidizi (Afisa Elimu wa Mkoa) ambaye anawajibika kwa Katibu Tawala wa Mkoa.

  Majukumu ya Seksheni ya Huduma za Elimu

  • Kuratibu Uongozi wa shule za awali, Msingi, Sekondari, Elimu ya Watu Wazima na Elimu nje ya mfumo rasmi
  • Kuratibu ajira na usambazaji wa walimu wa shule za Awali, Msingi na Sekondari katika Mkoa.
  • Kuratibu utekelezaji wa sera za Elimu na mafunzo ya ufundi ndani ya Mkoa na kutoa Ushauri kadiri inavyohitajika.
  • Kusimamia Mitihani ya Shule za Msingi, Sekondari na Vyuo vya Ualimu katika Mkoa.
  • Kuratibu Ukusanyaji, Tathimini, Uunganishaji/Uandaaji, Kutafsiri na Kutoa Taarifa/Takwimu za Elimu na Mafunzo ya ufundi katika Mkoa.
  • Kufanya ufuatiliaji wa utekelezaji wa taarifa za ukaguzi
  • Kuzishauri Mamlaka za Serikali za Mitaa juu ya utekelezaji wa sera ya Utamaduni na Michezo
  • Kuratibu shughuli zinazohusiana na Michezo katika Mkoa na kuendesha mashindano ya UMITASHUMTA na UMISETA Mkoani.
• 
  
•