*MKUU WA MKOA WA SINGIDA ASHIRIKI MAZISHI YA JAJI KIPENKA.

Posted on: November 6th, 2024

Mkuu wa Mkoa wa Singida Mhe.Halima Dendego ameshiriki mazishi ya  marehemu Jaji Kipenka Msemembo Mussa, Jaji Mstaafu wa Mahakama Kuu ya Tanzania November 06, 2024 katika Kijiji cha Kinampanda kilichopo wilaya ya Iramba mkoani Singida.

   Katika mazishi hayo aliunguna na viongozi wengine akiwepo Naibu Waziri wa Ardhi, Nyumba na Maendeleo ya Makazi Mhe.Geophrey Mizengo Pinda,Jaji Mkuu wa Tanzania Mhe.Prof.Ibrahim Hamis Juma,Mkuu wa Wilaya ya Iramba Mhe.Suleiman Mwenda, na Mkuu wa Wilaya ya Singida  Mhe.Godwin Gondwe.

Mazishi hayo yametanguliwa na Ibada ya kuaga mwili wa marehemu iliyofanyika nyumbani kwa marehemu Kinampanda na kuongozwa na Askofu wa kanisa la KKKT Dayosisi ya Kati, Dkt. Cyprian Hilinti.

Marehemu Jaji Kipenka Msemembo Mussa alizaliwa Desemba 28, 1954  na amewahi kushika nyadhifa mbalimbali Serikalini enzi za uhai wake ikiwemo Katibu wa Bunge,aliugua kwa muda na kupata huduma katika hospitali mbalimbali kabla ya kufariki Novemba 04, 2024.