WATAALAMU WATEMBELEA MABWAWA KUFANYA TATHMINI YA KIMAZINGIRA*

Posted on: January 22nd, 2025

Wataalamu kutoka Halmashauri ya Wilaya ya Singida, Wakala wa Maji na Usafi wa Mazingira Vijijini (RUWASA), na Bodi ya Maji Bonde la Kati wamefanya ziara maalum jana tarehe 21/01/2025 na leo tarehe 22/01/2025 katika mabwawa ya Mwaighimbi, Kisisi, na Masogweda yaliyopo Halmashauri ya Wilaya ya Singida kwa ajili ya tathmini ya hali ya mabwawa hayo.

 Lengo la ziara hiyo ni kutathmini hali ya mabwawa hayo, mazingira ya vijiji vinavyoyazunguka, pamoja na shughuli za kibinadamu zinazoendelea katika maeneo hayo.

Wataalamu hao walikusanya taarifa mbalimbali kuhusu mabwawa hayo, ikiwemo historia ya mabwawa, ukubwa wa mabwawa na athari za shughuli za kibinadamu kama ufugaji na kilimo kwa mabwawa hayo.

Mmoja wa wataalamu waliohusika alieleza kuwa tathmini hiyo ni muhimu kwa kutambua hali halisi ya mabwawa hayo na kuangalia iwapo kuna uwezekano wa athari za kimazingira au maafa kutokana na shughuli zinazofanyika. Alisisitiza kuwa mabwawa haya ni rasilimali muhimu kwa maendeleo ya kiuchumi na kijamii, hivyo ni lazima yashughulikiwe kwa uangalifu mkubwa.

@USIKOSE KUFUATILIA MITANDAO YETU YA KIJAMII

INSTAGRAM:SINGIDA RS

FACEBOOK:SINGIDA RS

YOUTUBE:RAS SINGIDA