*KAMATI YA FEDHA, MIPANGO NA UTAWALA MKALAMA WAFANYA ZIARA KUKAGUA MIRADI.

Posted on: November 1st, 2024

Kamati ya Fedha, Mipango na Utawala  Wilayani Mkalama ikiongozwa na Mwenyekiti wa Halmashauri ya Wilaya ya Mkalama Mhe. James Mkwega imetembelea na kukagua miradi mbali mbali inayotekelezwa na serikali wilayani Mkalama.

Ziara hiyo inayotarajiwa kuwa ya siku mbili  kuanzia tarehe 1-2/11/2024 imetembelea na kukagua mradi wa ujenzi wa Nyumba ya walimu katika shule ya Sekondari Mkalama One, kutembelea Jumuiya ya watumia maji kijiji cha Nkungi, Ujenzi wa barabara ya Nkungi- Mng'anda, ukamilishaji wa nyumba ya mwalimu shule ya msingi Kinyangiri,  ujenzi wa nyumba ya Afisa Ugani -Kinyangiri pamoja na ujenzi wa madarasa 3 pamoja na matundu 6 ya vyoo shule ya msingi Mwandu

Ziara hiyo inatarajia kuendelea Novemba 2,2024 kwa  kupita na kukagua miradi katika vijiji vya Kisuluiga, Miganga, Muntamba, Dominiki na Kidarafa.