WASIMAMIZI UCHAGUZI SINGIDA WALA KIAPO CHA UADILIFU

Posted on: September 15th, 2024

Wasimamizi uchaguzi katika halmashauri mbalimbali za Mkoani Singida wamekula kiapo cha uaadilifu na kufanya kazi kwa uaminifu katika muda wote wa uandikishaji,uboreshaji na uchaguzi unaotarajiwa kufanyika mwezi Novemba

Tukio hilo limefanyika katika Ofisi ya Katibu Tawala wa Mkoa wa Singida Dkt.Fatuma Mganga,likishuhudiwa na Hakimu mkazi wa Mkoa Allu A.Nzowa ,Afisa Sheria Mkoa Bi.Nassemba M.Kazeni, na Afisa Seikali za Mitaa RS Hussein M.Mwatawala

.

Akizungumza mara baada ya tukio hilo,Ayoub Juma Kambi ambaye ni msimamizi wa uchaguzi katiaka Halmashauri ya Wilaya ya Itigi amesema kuwa atasimamia uchaguzi wa serikali za mitaa kwa uadilifu,na kutenda  haki kwa watu wote.

“Watu wategemee uchaguzi bora wa haki na huru,hivyo natoa wito kwa wananchi kuweza kujitokeza ili kupiga kura ifikapo tarehe 27,Novemba.”Alisema Ayoub Juma.

Uchaguzi wa Serikali za mitaa mwaka huu unatarajiwa kufanyika Novemba 27 huku shughuli za uboreshaji,uandikishaji daftari lakudumu la wapiga kura  zikianza tarehe 25 septemba hadi Octoba Mosi 2024.