MADAKTARI BINGWA WA DKT.SAMIA WABISHA HODI SINGIDA

Posted on: April 23rd, 2025

Madaktari Bingwa wa wajulikanao kama “Madaktari bingwa wa Dkt.Samia"   wanatarajia kutoa  huduma za kibingwa na bobezi kwa wananchi wa Mkoa wa Singida mwezi ujao(Mei).

Mkuu wa mkoa wa  Singida Mheshimiwa Halima Dendego amezungumza hayo katika mkutano na  waandishi wa habari leo Aprili 23,2025 katika ukumbi wa Ofisi ya Mkuu wa Mkoa,amesema hatua hiyo ni sehemu ya juhudi za serikali kusogeza upatikanaji wa matibabu katika maeneo ya vijijini

Amesema kwa awamu ya kwanza huduma hiyo inatarajia kuanza kutolewa tarehe 28.04 hadi 03.2025 na kuwataka wananchi kujitokeza kwenye hospitali ziliopo katika halmashauri zao.

Pia,Amesema kutakuwa na madaktari na wauguzi bingwa 49 wa magonjwa  ya watoto, magonjwa ya uzazi na wanawake, upasuaji wa jumla, huduma ya usingizi na ganzi,  Magonjwa ya pua koo na masikio,huduma za  kinywa na meno na huduma  za uuguzi na kinga.

Dendego Amefafanua kuwa katika awamu ya pili kutakuwa na huduma itakayoanza tarehe 05 hadi 09,2025 ambapo madaktari 55 watatoa huduma za kibingwa na ubingwa bobezi  katika hosptali ya rufaa ya mkoa wa Singida.

Hatua hiyo ikilenga kuwatibu wagonjwa waliopewa rufaa katika awamu ya kwanza katika halmashauri mbalimbali mkoani Singida.

“Kutakuwa na madaktari bingwa na bobezi  55 katika fani 16  zinazogusa magonjwa ya ndani, wanawake na uzazi,watoto, upasuaji, upasuaji wa mifupa,njia ya mkojo,macho, masikio pua na koo,urekebishaji wa kinywa na meno, radiologia, usingizi na ganzi,urekebishaji wa kinywa na meno,utengemeo na viungo, mishipa ya fahamu na ubongo,ubingwa na ngozi, afya ya akili,na urekebishaji wa viungo;”alisema Dendego.

Aidha amewataka wananchi wenye magonjwa yaliyotajwa  wajitokeze  katika hosptali iliyopo kwenye Halmashauri  zao  ili kukutana na madaktari kwa kusikilizwa na kupatiwa tiba.

“Niseme wananchi wote mhakikishe mnafika mapema  mtakuta timu hizo zimejipanga ili ziweze kuwashugulikia ,” Amesema  Mhe.Dendego

Pia Amesema mkoa wa Singida unaendelea kumshukuru Rais Dr Samia Suluhu Hasan kwa kusogeza huduma karibu na kuwaepushia wagonjwa kwenda mbali kutafuta matibabu

Naye Mganga Mkuu wa Mkoa,Dkt.Victorina Ludovick amesema kwenye Hospitali ya rufaa ya Mkoa wanatarajia kuwafikia watu takribani elfu tatu na huku kila Halmashauri wakitarajia kufikia zaidi ya watu elfu nne.