UKAGUZI WA MIRADI SINGIDA,MKALAMA YAFIKIWA.

Posted on: May 14th, 2025

Mkuu wa Mkoa wa Singida Mheshimiwa Halima Dendego ameongoza ukaguzi wa miradi mbalimbali katika Wilaya ya Mkalama leo Mei 14,2025.

Ukaguzi huo umehusisha  miradi mbali mbali ikiwemo miradi ya Elimu,Afya,Maji,Nishati safi,mradi wa vijana,na mapambano dhidi ya Rushwa.

Awali wametembelea mradi wa ujenzi wa Shule ya Amali iliyopo katika Kijiji cha Kidarafa,Kata ya Mwanga wenye gharama ya Shilingi 590,685,626 ambapo Shilingi 544,225,626 ni kutoka Serikali Kuu huku Shilingi 46,460,000 ikiwa mchango wa Wananchi.

Kadhalika ukamilishaji wa Wodi tatu(3) katika Hospitali ya Wilaya-Kata ya Nduguti ambapo unagharimu jumla ya Shilingi  123,000,000 kutoka Serikali Kuu.

Katika mradi mwingine wa Afya ukaguzi umefanyika katika ukamilishaji wa Zahanati ya Mwangeza iliyopo katika Kijiji cha Mwangeza katika Kata ya Mwangeza yenye gharama ya Shilingi 68,000,000 kupitia mapato ya ndani kutoka Halmashauri Shilingi 50,000,000 ,wananchi Shilingi 10,000,000 na mchango wa Shilingi 8,000,000 kutoka Serikali Kuu.

Kadhalika Mhe.Dendegi amefanya ukaguzi katika Mradi wa Maji uliopo katika Kijiji cha Mbigigi Kata ya Kikhonda uliogharimu Shilingi 461,026,595 kutoka serikali Kuu.

Kadhalika ukaguzi wa ujenzi wa Daraja la Nkenke katika Kata ya Kikhonda lenye gharama ya Shilingi 472,000,000 kutoka Serikali Kuu inayosimamiwa  na TARURA.

Katika mradi wa Vijana,uwezeshaji wa vijana kiuchumi,ukaguzi umefanyika katika kikundi cha Vijana wa Boda Boda kiitwacho Mkombozi kilichopo wilayani Nduguti kupitia mchango wa Halmashauri yenye jumla ya Shilingi 25,980,000.

Katika mapambano dhidi ya Rushwa,umefanyika ukaguzi wa Klabu ya Wapinga Rushwa iliyopo Shule ya Sekondari Kinampundu ambayo inatarajiwa kuzinduliwa na mbio za Mwenge.

Katibu Tawala wa Mkoa wa Singida Daktari Fatuma Mganga ameshauri kufanyiwa ukarabati katika jengo la zahanati ya Mangeza sambamba na kuhakikisha huduma za wagonjwa wa nje zinatolewa katika jengo hilo huku jengo jipya kutumika kwa ajili ya mama na mtoto pekee.

Naye Mkuu wa Mkoa wa Singida ameagiza kukamilishwa kwa wakati kwa miradi yote ambayo haijafikia mwisho ikiwemo ujenzi wa daraja,kadhalika mradi wa maji kuwafikia wananchi majumbani sambamba na miradi yote husika kumalizika kwa ubora unaotakiwa.