Uchumi na Uzalishaji

TAARIFA YA SEHEMU YA UCHUMI NA UZALISHAJI

• UTANGULIZI

Sehemu ya Uchumi na Uzalishaji inaratibu majukumu ya Sekta za Kilimo, Mifugo na Uvuvi, Maliasili, Biashara, Viwanda, Madini na Ushirika. Utekelezaji wa majukumu katika sekta hizi ambazo kwa kiasi kikubwa ndiyo zinazoajiri wananchi wengi wa Mkoa wa Singida ni wa kuridhisha.

Uzalishaji katika sekta ya Kilimo ni wa unatosheleza mahitaji ya chakula kwa mwaka na kubakiwa na ziada ambayo wananchi wanauza na kujipatia kipato kwa ajili ya shughuli zao za maendeleo zikiwemo ujenzi wa makazi ya kisasa, kugharamia matibabu na mavazi. Uzalishaji wa mazao ya biashara na hasa zao kuu la alizeti bado ni mdogo kutokana na changamoto zilizopo na hasa upatikanaji wa pembejeo za kisasa hususan mbegu bora. Changamoto hizo zinapelekea uzalishaji mdogo ambao haukidhi mahitaji ya malighafi ya mbegu za alizeti kiasi cha tani …. Kinachohitajika katika viwanda ….. vilivyopo ndani ya Mkoa. Utekelezaji katika kila Sekta umeoneshwa hapa chini.

• SEKTA YA KILIMO

Kilimo ni shughuli kuu ya kiuchumi ya wakazi wa Mkoa wa Singida ambapo takribani 90% ya wananchi wote wanategea kilimo kuwa ni shughuli kuu ya kiuchumi. Mkoa una jumla ya Hekta 1,099,235 zinazofaa kwa kilimo ambapo mazao ya chakula yanayolimwa ni mahindi, mtama, uwele, ulezi, mpunga, viazi vitamu, mihogo na mikunde. Mazao ya biashara yanayolimwa ni alizeti, vitunguu, pamba, korosho, ufuta, choroko, dengu na asali.

• Uzalishaji wa mazao kwa mwaka 2020/2021 na matarajio ya uzalishaji kwa mwaka 2021/2022
•  
• Mazao ya Chakula

Mavuno ya msimu wa 2020/2021yalikuwa ni Tani 821,881.7 za mazao ya chakula. Mahitaji ya chakula kwa mwaka kwa wakazi wote wa Mkoa wa Singida ni Tani 444,688.93 za chakula. Hivyo kulikuwa na ziada ya chakula kiasi cha Tani 377,192.8 kama inavyoonekana katika jedwali la hapa chini:

Wakazi wa Manispaa wanategemea kununua chakula chao sokoni na hivyo hakuna upungufu wa chakula unaojitokeza. Alama inayoashiria upungufu inatokana na uhaba wa eneo la kilimo kwa sababu eneo kubwa la Manispaa ni kwa ajili ya shughuli zingine za maendeleo ambazo siyo kilimo.

Katika msimu wa 2021/2022 matarajio ni kuvuna tani 812,309.7 kama inavyoonekana katika jedwali hapa chini:

 Jedwali Na. 2: Utekelezaji malengo ya kilimo na matarajio ya mavuno kwa mwaka 2021/2022.

Jumla ya tani 384,677.4 za mazao ya biashara zinatarajiwa kuvunwa kwa mwaka 2021/2022. Kwa zao la alizeti pekee, jumla ya tani 260,492.5 zinatarajiwa kuvunwa kati ya matarajio ya awali ya kuvuna tani 581,986.3 kutokana na utekelezaji wa mkakati wa Mkoa wa Singida wa kuongeza uzalishaji. Mkakati huo ulilenga kulima Hekta 238,763.6 (sawa na ekari 596,909) ambapo utekelezaji ni Hekta 261,508    zimelimwa (sawa na ekari 653,770). Utekelezaji huu ni zaidi ya lengo kwa 9.5 %. Hata hivyo matarajio ya awali ya kuzalisha tani 581,986.3 yameshuka hadi kufikia matarajio ya kuzalisha tani 260,492.5 kutokana na mashamba mengi kukauka kulikosababishwa na upungufu wa mvua na ubora wa mbegu nyingi zilizotumika kuwa mdogo.

Jedwali Na. 3: Utekelezaji wa malengo ya kilimo na matarajio ya mavuno ya mazao ya biashara mwaka 2021;2022

• Kilimo cha mazao ya Kimkakati
•  
• Korosho

Mkoa wa Singida unatekeleza kilimo cha zao la korosho kwa mfumo wa mashamba ya pamoja (block farming). Mashamba ya pamoja yanalimwa katika Halmashauri za Manyoni, Itigi na Ikungi. Utekelezaji wa mfumo huu umesaidia kurahisisha utoaji wa huduma za Ugani kwa kuwatumia Maafisa Ugani wachache waliopo lakini pia kudhibiti wadudu na magonjwa kiurahisi zaidi. Jedwali hapa chini linaonesha utekelezaji wa kilimo cha mashamba ya pamoja ya korosho.

Jedwali Na.4: Utekelezaji wa mashamba ya pamoja ya zao la korosho

Katika msimu huu wa 2022/2023, serikali imepanga kuupatia Mkoa wa Singida kiasi cha lita 2,255 za kudhibiti na kutibu magonjwa na wadudu wa mikorosho. Aidha, katika msimu wa 2021/2022, serikali iliupatia Mkoa wa Singida mbegu bora zenye ruzuku ya 100% kiasi cha tani 6.238 za korosho ambazo zilisambazwa kwa wakulima.

• Alizeti

Alizeti ni zao kuu la biashara kwa wakazi wa Mkoa wa Singida. Ili kuongeza uzalishaji, Mkoa uliandaa mkakati ambao ulilenga kulima jumla ya ekari 596,909 ili kuzalisha jumla ya tani 581,986.3 za alizeti kwa kushirikiana na wadau mbalimbali wa kilimo. Katika utekelezaji wa mkakati huo, Mkoa ulipokea mbegu za alizeti zenye ruzuku ya 50% kutoka serikali kuu kiasi cha tani 465.2 ambapo kati ya kiasi hicho, tani 453.6 kilisambazwa na kutumika na wakulima. Wadau wengine ambao ni makampuni yanayojishughulisha na kilimo cha alizeti na wakulima wakubwa walifanikisha upatikanaji na matumizi ya tani 35.3 za mbegu chotara za alizeti. Wakulima pia walitumia mbegu walizopata kwa kujinunulia na zile walizotunza kutokana na mavuno ya msimu uliopita. Jitihada hizi zote zimewezesha kulima jumla ya ekari 653,770. Kutokana na upungufu mkubw wa mvua na kiasi kikubwa cha mbegu zilizotumika kuwa na ubora wa wastani, hali ya matarajio ya mavuno ni tani 260,492.5 ikilinganishwa na tani 581,986.3 za matarajio ya awali wakati tunaandaa mkakati wa Mkoa.

• Upatikanaji wa Huduma za Ugani

Mkoa una jumla ya Maafisa Ugani 161 katika ngazi zote (Sekretarieti ya Mkoa, Ofisi za Wakurugenzi na ngazi za Kata na Vijiji). Ili kuboresha utoaji huduma za Ugani, Serikali Kuu imewapatia Maafisa Ugani wote pikipiki ili waweze kuwafikia wakulima popote walipo kwa urahisi. Hatua hii inatarajiwa kuongeza tija katika shughuli za kilimo na ufugaji kwa kuwa wakulima na wafugaji watapata na kutumia maelekezo ya mbinu za kisasa za kilimo na ufugaji.

• SEKTA YA MALIASILI

TAAFIRA FUPI YA SEKTA YA MALIASILI MKOA WA SINGIDA.

Sekta ya Maliasili inashughulikia sekta ndogo za Misitu, Wanyamapori, Ufugaji wa Nyuki, Utalii, Mambo ya Kale na Mazingira.

MISITU.

Sera na Sheria ya Misitu zinahimiza ushiriki wa jamii katika hifadhi ya misitu ya asili ya ardhi ya vijiji ambapo utekelezaji wake umekuwa wa mafanikio ambayo tayari hekta 433,247.48 za misitu zimehifadhiwa katika mkoa. Misitu hiyo ni Mgori wenye hekta 39, 000, Minyughe hekta 230,000, Mlilii Hekta 5,700, Sekenke/Tulya hekta 30,360 na misitu ya wananchi mmoja mmoja na vikundi jumla ya hekta 128,187.48.

Kupitia sekta ya misitu Mkoa una lengo la kupanda miti 10,500,000 kila mwaka sawa na miche ya miti 1,500,000 kwa kila halmashauri ,hata hivyo kutokana na uwepo mkubwa wa mabadiliko ya tabianchi na bajeti za kila mwaka  Mkoa umeweza kufikia lengo la upandaji miti kwa asilimia 70 ya lengo ambapo kati ya miti hiyo inayopandwa asilimia 42 ya miti ndiyo inayokua.

Sekta ndogo ya misitu inakabiliwa na changamoto zifuatazo;

Uvamizi wa misitu unaofanywa na wahamiaji kwa shughuli za Kilimo, Makazi na ufugaji.

Uvunaji holela wa mazao ya misitu hususani  mkaa

Ubanguaji wa miti kwa nia ya kutengeneza mizinga ya asili ya magome.

Sekta ndogo  ya  Utalii

Mkoa una lengo la kuendeleza shughuli za utalii katika nyanda kame kwa  kutambua na kutangaza vivutio vya utalii ili kuogeza mapato na ajira kwa wananchi. Tayari Vivutio vipya takribani 31 Vimetambuliwa kwenye Mkoa kama ifuatavyo:

Halmashauri ya Wilaya ya Singida;

Msitu wa Sombi uliopo kijiji cha Msikii, Eneo la juu la kutazama bonde la ufa katika Vijiji vya Msikii na Kinyamwenda (Rift Valley view point),  Michoro ya mapangoni ya Ngimu ,Msitu wa Mgori na Msitu wa Nalogwa Ikingu uliopo Kijiji cha Mkenge.

Halmashauri ya Wilaya ya Ikungi

Vyanzo vya maji ya moto Misughaa na  Sambaru , Magofu ya Wamisionari wa kwanza Kimbwi na Jiwe lenye bao la kienyeji Ng’ongosoro.

Halmashauri ya Manispaa ya Singida

Maziwa pacha ya Singidani na Kindai , Michoro ya mapangoni ya Unyambwa na Boma la Mjerumani na mti uliotumika kusaga nafaka ya chakula cha wafungwa wa enzi za ukoloni.

Halmashauri ya Wilaya ya Itigi,

 Mapori ya akiba ya Rungwa, Muhesi na  Kizigo na Njia ya watumwa.

Halmashauri ya Wilaya ya Mkalama,

Ngoma za asili Uwanza , Boma la Mjerumani na Maeneo ya Wahadzabe katika Kijiji cha  Munguli Kitongoji cha Kipamba.

Halmashauri ya Wilaya ya Iramba

Michoro ya mapangoni Kisana, Ziwa Kitangiri , Mbuga na tope la Wembere, na Mti wa mikutano ya awali ya  Uhuru.

 Halmashauri ya Wilaya ya Manyoni

Eneo la katikati ya Tanzania lililopo katika Kijiji cha Chisingisa Kata ya Sasilo ,Bonde la chumvi la Bahi, njia ya Watumwa, Magofu ya Wajerumani katika Kijiji cha Kilimatinde, Eneo la juu la kutazama bonde la ufa (Rift Valley View point)  na Vichaka vya Itigi.

Sekta ndogo ya Ufugaji nyuki

Sekta  hii imejikita katika Kukuza uchumi kwa kuimarisha na kuongeza upatikanaji wa mazao ya nyuki yakiwemo asali na nta, ambapo Mkoa huvuna wastani wa tani za asali 296.4 na tani 38.95 za nta. Hata hivyo, Mkoa unakadiriwa kuwa na mizinga ya kienyeji 151,022 na mizinga ya kisasa 12,076.

Mazingira na Mabadiliko ya Tabia Nchi

Mkoa wa Singida kama ilivyo mikoa miingine haujaachwa katika kupata madhara ya mabadiliko ya tabianchi, ambapo Mkoa umekumbwa na ongezeko la joto na mtawanyiko mbaya wa mvua, hali inayopelekea kupata upungufu wa chakula na magonjwa yatokanayo na athari mbaya za mabadiliko ya tabianchi yakiwemo magonjwa ya mtoto wa jicho na mengine mengi.

Aidha Mkoa umejaliwa kuwa na madini ya aina mbali mbali yakiwemo, Dhahabu, Chumvi, Shaba, Jasi, madini ya ujenzi na Vito vikiwemo quarts na Amethysts.

Sekta ndogo ya Wanyamapori.

Mkoa una mapori ambayo ni makazi mazuri ya Wanyamapori, mapori haya yamegawanyika katika sehemu mkuu mbili za uhifadhi kam ifuatavyo;

Mapori ya akiba yanayomilikiwa na Serikali kuu.

Mapori haya ni Rungwa, Muhesi na Kizigo yaliyopo katika Wilaya ya Manyoni. Mapori haya yenye idadi kubwa ya tembo ukilinganisha na mapori mengine ndani ya nchi yanatumika kwa uwindaji wa kitalii, yakiwa vitalu vya uwindaji ndani yake.

Mapori ya hifadhi ya ardhi za Vijiji

Mapori/ Misitu ya hifadhi ya ardhi ya vijiji iliyopo ni Mgori, Sekenke/ Tulya, Minyughe, Mlilii na misitu ya miingine midogo ya watu binafsi imekuwa makazi mazuri ya Wanyamapori. Misitu hii ina wanyamapori wadogo hadi wakubwa wakiwemo tembo. Misitu hii pia inatumika kama ushoroba/ mapito ya tembo, hasa kwenye mfumo ikolojia wa Rungwa - Serengeti na Rungwa - Tarangire.

SUB-VOTE CODE AND NAME: RMO – SINGIDA

FIRST QUARTER PROGRESS REPORT

SHELUI MARKET DAILY AND MONTHLY REPORT FOR FY 2021-202

SEKTA YA MADINI WILAYA YA IKUNGI

•  
•                  OFISI YA AFISA MADINI MKAZI – SINGIDA
•  
•       TAARIFA YA SEKTA YA MADINI YA WILAYA YA IKUNGI
•  
•  
•  
•  
•  
•  
•  
•  
•  
•  
•  
•  
•  
•  
•  
•  
•  

IKUNGI                                                                                           13Juni,2022

• UTANGULIZI

Ofisi ya Afisa Madini Mkazi Mkoa wa Singida ni Ofisi ya umma iliyo chini ya Tume ya Madini, ambayo ni Taasisi iliyo chini ya wizara ya Madini. Tume ya Madini ilianzishwa mwaka 2017 kufuatia mabadiliko ya Sheria ya Madini ya Mwaka 2010. Taasisi hii imechukua kazi zote za utendaji ambazo zilikuwa zikifanywa na Idara ya Madini chini ya Wizara ya Nishati na Madini (Isipokuwa Sera) na kazi zote ambazo zilikuwa zikifanywa na Wakala wa Ukaguzi wa Madini Tanzania (TMAA) na Idara ya Uthaminishaji wa Almasi (TANSORT).

Ofisi ya Afisa Madini Mkazi Singida ni msimamizi wa shughuli zote za uchimbaji, uchakataji, usafirishaji na biashara ya Madini katika Mkoa kwa niaba ya Tume ya Madini. Ofisi hii ina watumishi 18 wa kada mbalimbali. Kada hizo ni Wajiolojia 06, Wahandisi 03, Fundi Sanifu Migodi 02, Afisa hesabu (01), Mhasibu Msaidizi 01, Katibu Muhtasi 01, Mtunza Kumbukumbu Msaidizi 01, Madereva 02 na Mlinzi 1. Aidha, wapo watumishi wa mkataba ambao ni Wakaguzi Wasaidizi wa Madini Ujenzi na Viwandani 06 na dereva mmoja aliye azimwa TEMESA.

• KAZI ZINAZOFANYIKA

Kama zilivyo ofisi zingine za madini nchini, kazi zinazofanywa na Ofisi ya Afisa Madini Mkazi Singida ni upokeaji wa maombi ya leseni na vibali mbalimbali, ukaguzi wa maeneo ya leseni, ukusanyaji wa maduhuli ya Serikali, utoaji wa huduma za ugani kwa wachimbaji na utoaji wa elimu ya Sheria ya Madini kwa umma.

• MADINI YANAYOPATIKANA KATIKA WILAYA YA IKUNGI

Wilaya ya Ikungi ina madini ya aina mbalimbali kama vile dhahabu, madini ya ujenzi (mawe, kokoto, mchanga na kifusi), urani, garnets na almasi. Aina ya madini na mahali yanapopatikana katika wilaya ya Ikungi yameainishwa kwenye Jedwali na. 1.

Jedwali na. 1: Aina ya madini na mahali yanapopatikana katika Wilaya ya Ikungi.

•  
•  
•  
•  
•  
•  
•  
  •  

•  

   

• 
  
  • SHUGHULI ZA UCHIMBAJI, UCHENJUAJI, UTAFITI NA BIASHARA YA MADINI KATIKA WILAYA YA IKUNGI
  • Wilaya ya Ikungi ina leseni za aina mbalimbali zikiwemo za utafutaji, uchimbaji mdogo, uchimbaji wa kati na biashara ya madini. Uchimbaji wa madini hufanyika katika maeneo mbalimbali yakiwemo yaliyotengwa kwa ajili ya wachimbaji wadogo na mengine yaliyo nje ya maeneo hayo. Madini yanayochimbwa katika Wilaya ya Ikungi ni dhahabu, almasi, garnets na madini ya ujenzi.
    • Maeneo ya uchimbaji mdogo (mining centres)

  • Sehemu	Wilaya	Madini
    Sambaru/Londoni	Ikungi/Manyoni	Dhahabu
    Muhintiri, Matongo, Mpetu, Mwau	Ikungi	Dhahabu
    Mwaru	Ikungi	Almasi

    Jedwali na. 2: Maeneo yenye shughuli za uchimbaji mdogo wilaya ya Ikungi

    Maeneo yenye uchimbaji mdogo wilaya ya Ikungi yamebainishwa kwenye Jedwali na. 2.

  • 
    
    •  

  • Muhintiri, eneo ambalo kampuni ya Shanta ililiachia ili wapewe wachimbaji wadogo, lenye ukubwa wa 71.33 km² ambapo leseni zilizotolewa ni 15% ya leseni zinazoweza kutolewa katika eneo hilo. Eneo hili limeombewa kutengwa.

    Sambaru/Londoni wilayani Ikungi/Manyoni (dhahabu) - lenye ukubwa wa 766.46 km² lakini leseni zilizotolewa ni 40% ya leseni zinazoweza kutolewa katika eneo hilo.

    Wilaya ya Ikungi ina maeneo mawili (02) yaliyotengwa kwa ajili ya wachimbaji wadogo. Maeneo hayo ni: -

    4.2      Maeneo tengefu kwa wachimbaji wadogo yaliyopo Wilaya ya Ikungi

  • 
    
    • Maeneo ya Uchimbaji wa Kati (MLs)

  • Wilaya ya Ikungi ina leseni 04 za uchimbaji wa kati zinazomilikiwa na kampuni ya Shanta. Leseni hizo zipo katika hatua ya usanifu wa ujenzi wa mgodi na wanatarajia kuanza uzalishaji mwezi Disemba, 2022.

  • 
    
    • Maeneo ya Utafiti wa Madini (PLs)

  • Wilaya ya Ikungi ina jumla ya leseni za utafiti 13. Leseni hizi ni za utafiti wa madini ya dhahabu na vito (almasi). Matokeo ya awali yanaonesha uwepo wa madini hayo katika leseni hizo.

  • 
    
    • Uchenjuaji wa Madini

  • Shughuli za uchenjuaji wa madini zinafanyika katika maeneo ya uchimbaji kwa kutumia njia za asili (mialo) na kwa kutumia mitambo ya uchenjuaji kama vile VAT Leaching Plants.

  • 
    
    • Biashara ya Madini

  • Na.	Wilaya	Dhahabu (gm)	Thamani (Tshs)	Mrabaha (Tshs)	I.F (Tshs)	S.Levy (Tshs)
    1.	Ikungi	103,103.28	12,851,094,917.32	771,065,695.04	128,510,949.17	38,553,284.75

    Jedwali na 3: Takwimu za mauzo na makusanyo ya dhahabu wilaya ya Ikungi kuanzia 1/07/2021 mpaka 12/06/2022

    Biashara ya kuuza na kununua madini ya dhahabu inafanyika katika masoko mawili. Soko Kuu la Madini Mkoa wa Singida lipo katika Manispaa ya Singida na Soko la Dhahabu Shelui lipo katika Wilaya ya Iramba. Takwimu za mauzo ya dhahabu na maduhuli ya Serikali kwa mwaka 2021/2022 ya wialya ya Iramba yamebainishwa kwenye Jedwali na.3.

  • 
    
    • MAFANIKIO

  • Sekta ya madini mkoani Singida imepata mafanikio yafuatayo: -

  • 
    
    • Kuanzishwa kwa masoko mawili ya dhahabu yanayotoa huduma kwa wachimbaji wadogo. Aidha, upo mpango wa kuanzisha vituo katika Wilaya ya Manyoni.
    • Udhibiti wa uchimbaji, biashara na usafirishaji wa madini ikiwemo utoaji wa vibali vya usafirishaji wa madini kwenda nje ya nchi ambao umesaidia kuongeza mapato ya Serikali;
    • Kuendelea kuwepo kwa huduma ya kupokea maombi ya leseni ndogo za uchimbaji madini, leseni za biashara madini na uchenjuaji na kuyachakata kabla ya kuyawasilisha Tume Makao Makuu ili yaidhinishwe kupewa leseni.
    • Kuandaa na kutoa leseni za uchimbaji mdogo wa madini baada ya kuidhinishwa na Kikao cha Ufundi, Tume Makao Makuu.
  • Jedwali na. 4: Idadi ya leseni za uchimbaji mdogo wa madini (PMLs) katika wilaya ya Ikungi.

  • S/No	Wilaya	Idadi ya leseni	Idadi ya Leseni zilizotolewa 2021/2022
    1.	Ikungi	581	45

  • 
    
    • Kuongezeka kwa maduhuli ya Serikali yanayokusanywa kutokana na ada mbalimbali za leseni na mrabaha wa madini. Mchanganuo wa makusanyo kwa kila mwaka wa fedha umeonyeshwa kwenye Jedwali na. 5.
    • Jedwali na. 5: Makusanyo ya maduhuli ya Serikali ikiwemo mrabaha na ada mbalimbali za leseni kuanzia mwaka 2000/01 hadi  2021/22 tarehe 12/06/2022.

  • Mwaka	Makusanyo (TSh.)	Asilimia
    2000/01	386,000.00
    2001/02	2,357,400.00
    2002/03	4,556,066.00
    2003/04	4,687,090.00
    2004/05	16,452,632.00
    2005/06	33,883,300.00
    2006/07	40,793,680.00
    2007/08	38,603,264.00
    2008/09	51,944,687.50
    2009/10	100,789,623.00
    2010/11	65,315,425.00
    2011/12	169,037,537.50
    2012/13	330,696,087.27
    2013/14	390.451,626.40
    2014/15	606,151,565.60
    2015/16	673,664,595.00
    2016/17	433,653,728.65
    2017/2018	448,334,958.36	44.83
    2018/2019	804,522087.34	80.40
    2019/2020	4,534,666,633.27	302.31
    2020/2021	5,125,634,043.64	170.85
    2021/2022 (Hadi 12/06/2022)	6,014,109,157.51	141.508

  • 
    
    • 
      
      • Utoaji wa huduma za ugani kwa kutoa ushauri kwa wachimbaji wadogo wa madini kuhusu uchimbaji bora, salama na unaozingatia utunzaji mazingira na afya umekuwa ukifanyika sambamba na kutoa ushauri wa kijiolojia unaozingatia utafutaji wa madini kwa mafanikio.
      • Utoaji wa mafunzo kwa wachimbaji wadogo, viongozi wa Serikali na wananchi wa maeneo yenye madini.
      • Kaguzi za mara kwa mara kwenye maeneo ya uchimbaji madini zinazofanywa na Ofisi ya Afisa Madini Mkazi na kwa kushirikiana na Idara ya Ukaguzi Migodi, Tume Makao Makuu zimesaidia kuwepo kwa uchimbaji unaozingatia Sheria na Kanuni za Madini, uhifadhi wa mazingira, usalama na afya;
      • Ukaguzi kwenye maeneo ya leseni za utafutaji mkubwa wa madini ili kubaini wamiliki wasiofuta sheria na kanuni za madini na watakaopatikana na makosa mapendekezo kutolewa Tume ya Madini ili leseni zao zifutwe
      • Kuimarika kwa ushirikiano baina ya Ofisi ya Afisa Madini Mkazi na Uongozi wa Mkoa, Wilaya na Taasisi mbalimbali za Serikali ili kuhakikisha kuwa maduhuli ya Serikali, ikiwemo mrabaha na tozo za Serikali za Mitaa yanakusanywa ipasavyo.
      • Utatuzi wa migogoro baina ya wachimbaji wadogo wenyewe kwa wenyewe au na wamiliki wa mashamba kwa kushirikiana na uongozi wa Mkoa, Wilaya, Tarafa, Kata, Vijiji na Chama cha Wachimba Madini (SIREMA).
      •  
    • CHANGAMOTO
      • Katika Mkoa wa Singida leseni nyingi za wachimbaji wadogo kutofanyiwa kazi kwa muda mrefu;
      • Wamiliki wengi wa leseni kutotimiza wajibu wao wa kulipa ada za leseni kwa wakati hivyo kusababisha uwepo wa malimbikizo makubwa ya madeni kutokana na pango la mwaka la leseni za uchimbaji madogo.
      • Migogoro inayojitokeza kati ya wachimbaji wa madini na wamiliki wa ardhi pia baina ya wachimbaji wadogo wenyewe. Muda mwingi umekuwa ukitumika katika utatuzi wa migogoro badala ya kuwahudumia wananchi wengine na kukusanya maduhuli.
      • Uwepo wa tatizo la umeme kwenye maeneo ya uchimbaji, la mara kwa mara, hasa katika Wilaya ya Iramba hivyo kukwamisha juhudi za wachimbaji wadogo katika kuzalisha zaidi.
    • JITIHADA ZA KUTATUA CHANGAMOTO
      • Ofisi inaendelea kupambana na changamoto zilizopo kwa kufanya yafuatayo: -
      • Kufuta leseni za uchimbaji mdogo wa madini ambazo wamiliki wake hawafuati sheria na kanuni za madini kama vile kutofanyiwa kazi na kutolipa ada za leseni.
      • Udhibiti wa uchimbaji usio rasmi kwa kuwahimiza wamiliki wa leseni kubwa za utafiti wa madini kulinda na kuyafanyia kazi maeneo yao;
      • Kuendelea kutoa elimu ya Sheria na Kanuni za madini katika maeneo yenye wachimbaji wadogo na jamii kwa ujumla.
    • MAOMBI
      • Ili kuweza kutekeleza majukumu yake ipasavyo na kufikia malengo. Ofisi ya Afisa madini Mkazi Singida inaomba;
      • Vyombo vya ulinzi na usalama, taasisi na ofisi nyingine za serikali kushirikiana na ofisi yetu kutatua migogoro mbalimbali inayojitokeza baina ya wachimbaji wadogo ili kuendeleza shughuli za uchimbaji.

SEKSHENI YA UCHUMI NA UZALISHAJI

Seksheni ya Uchumi na Uzalishaji

Seksheni ya Uchumi na Uzalishaji ina lengo la kutoa uwezeshaji wa kitaalamu kuhusu sekta za uchumi na uzalishaji kwa Mamlaka za Serikali za Mitaa katika Mkoa. Seksheni hii inaongozwa na Katibu Tawala Msaidizi ambaye anawajibika kwa Katibu Tawala wa Mkoa

Majukumu ya Seksheni ya Uchumi na Uzalishaji

•Kuratibu utekelezaji wa sera za Kilimo, Mifugo, Ushirika, Misitu, Uhifadhi, Uvuvi, Viwanda, Biashara na Masoko katika Mkoa

•Kuzijengea uwezo Mamlaka za Serikali za Mitaa katika Mkoa katika kutoa huduma kwenye nyanja za Kilimo, Mifugo, Ushirika, Misitu, Uhifadhi, Uvuvi, Viwanda, Biashara na Masoko

•Kuzisaidia na kuzishauri Mamlaka za Serikali za Mitaa juu ya teknolojia zinazofaa na za gharama nafuu katika sekta za uchumi na uzalishaji

•Kusajili vyama/vikundi vya ushirika katika Mkoa

•Kuzishauri Mamlaka za Serikali za Mitaa katika juu ya uanzishaji/uimarishaji na ukaguzi wa vyama vya Ushirika na Akiba na Mikopo

•Kusaidia na kuzishauri Mamlaka za Serikali za Mitaa juu ya kuzisimamia kampuni ndogo na za kati

•Kuzisaidia na kuzishauri Mamlaka za Serikali za Mitaa katika kutambua maeneo nyeti ya uwekezaji

•Kuzisaidia na kuzishauri Mamlaka za Serikali za Mitaa katika kuendeleza na kukuza sekta ya uvuvi na kuzalisha kisasa 

•Kusimamia, kuratibu na kuwezesha masuala yanayohusiana na misitu katika Mkoa

•Kuzishauri Mamlaka za Serikali za Mitaa katika usimamizi wa sheria za kulinda wanyamapori 

•Kuzishauri Mamlaka za Serikali za Mitaa katika kuendeleza maeneo ya wanyamapori

•Kuzishauri Mamlaka za Serikali za Mitaa katika kusimamia utalii, idadi ya wanyamapori na mienendo yao/safari zao

•Kuziwezesha Mamlaka za Serikali za Mitaa katika kutekeleza sheria ya Mazingira No. 2 ya mwaka 2004

•Kutoa ujuzi wa kitaalamu kwa Mamlaka za Serikali za Mitaa kwenye masuala yanayohusiana na maeneo/miradi ya umwagiliaji

•Kuratibu utekelezaji wa uboreshaji wa taratibu za biashara katika Mkoa