Lishe ni moja ya vitengo vinavyotoa huduma chini ya idara ya afya Mkoani Singida. Lengo kuu la kitengo ni kuhakikisha kuwa matatizo makuu ya lishe yanatatuliwa ili kupata jamii yenye lishe na afya bora.
Kutokana na utafiti wa Afya ya mama na Mtoto (Tanzania Demographic survey) wa 2015, ilitoa takwimu ya viashiria mbalimbali za lishe. Kwa Mkoa wa Singida Matokeo ya utafiti huo ulionesha kuwa 29% ya watoto chini ya miaka mitano wana udumavu, 4.7% wana ukondefu na 11.7% wana uzito wa chini ukilinganisha na umri wao na 36% wana upungufu wa damu.
Kwa upande wa wanawake waliokatika umri wa kuzaa(15-49 miaka),asilimia 8.8% wana ukondefu, 16% wana uzito uliozidi, 6% wana uzito mkubwa sana na 26% wana upungufu wa damu. Pia ilionekana 64% ya kaya katika mkoa wa Singida wanatumia chumvi isiyo na madini joto.
Huduma za lishe zinazotolewa katika hospitali ya Mkoa ni pamoja na;-
Kutambua hali za lishe kwa makundi mbalimbali katika jamii mf. Watoto,wajawazito n.k
Kutoa ushauri wa lishe kwa watu wenye utapiamlo.
Ushauri juu ya masuala ya ulishaji na unyonyeshaji wa watoto wachanga na wadogo.
Kutoa ushauri wa ulaji unaofaa na mtindo bora wa maisha.
Matibabu kwa ajili ya watoto wenye utapiamlo mkali na kadiri.
Matibabu ya utapiamlo mkali wa wagonjwa wenye VVU.
Ushauri wa lishe kwa watu wenye magonjwa sugu yenye uhusiano na Lishe.
Ushauri wa Lishe kwa watu wenye Virusi vya ukimwi na Kifua kikuu.
Utoaji wa matone ya Vitamini A kwa watoto chini ya miaka 5 na madini ya chuma, foliki asidi kwa wanawake wajawazito.
Bonyeza hapa ili kupata taarifa zaidi kuhusu Lishe
