RC DENDEGO AZINDUA JENGO LA MABWENI CHUONI SHAMSIYA.

Posted on: November 14th, 2024

Mkuu wa Mkoa wa Singida,Mhe Halima Dendego ameshiriki katika hafla ya kuzindua na kufungua Jengo la Mabweni ya wanafunzi Chuo cha Shamsiya Singida katika Manispaa ya Singida,eneo la Karakana,Kata ya Misuna.

   Akizungumza katika hafla hiyo,Mhe Dendego amesema ni jambo la furaha kuona suala la elimu linatekelezwa kwa vitendo na si maneno pekee katika Mkoa wa Singida,kwa lengo la kutoa elimu bora yenye lengo la kutunza maadili na kuienzi amani iliyopo.

   Mhe.Dendego amesisitiza kuitunza amani iliyopo kwa kuhakikisha hakuna nafasi ya chuki wala faraka kati ya mtu mmoja mmoja jambo ambalo linaweza kuhatarisha umoja na mshikamano uliopo baina ya watu wote.

"Tuzidi kuienzi,kuitunza na kuikumbatia amani,tusidanganyike kwa adui atakaeingia katikati yetu na kutuletea faraka,bali safari ya leo iwe safari njema katika kuitunza amani ya Singida."amesema Mhe.Dendego.

Sambamba na hilo ametumia fursa hiyo kuwakaribisha wawekezaji katika Mkoa wa Singida,katika kuwekeza kwenye sekta mbali mbali ikiwemo kilimo,uvuvi,biashara na kadhalika .

Pia, ameahidi ushirikiano wa kutosha kwa taasisi za dini na kuwakaribisha ofisini wakati wowote watakapokua na changamoto,yupo tayari kuwasikiliza.